Tribunál aplika prizaun preventiva ba arguidu kazu omisídiu simples-arma branka iha Ermera

JUSTISA, HEADLINE

Autoridade polisiál akompaña arguidu ne'ebé komete krime omísiu simples nary arma branka iha munisípiu Ermera foin lalais ne’e, durante prosesu primeiru interogatóriu iha Tribunál Judisiál Primeira Instánsia Dili, Kaikoli. Kinta, 28-8-2025. Imajen TATOLI/Natalino Costa

DILI, 28 Agostu 2025 (TATOLI)-Tribunál Judisiál Primeira Instánsia Dili liuhusi juiza turnu, Ercilia de Jesus, hasai despaisu hodi aplika medida koasaun prizaun preventiva ba arguidu CS relasiona ho kazu omesídiu simples nary arma-branka iha munisípiu Ermera.

Kazu ne’ebé akontese iha loron 25 fulan-Agostu 2025 foin lalais ne’e, Mário Salsinha lakon vida.

Prosesu interogatóriu dahuluk ba arguidu, Ministériu Públiku liuhusi prokuradór, Osorio Márques, promove krime omisídiu simples iha artigu 138 husi Kódigu Penál Timor-Leste nary krime arma branka nary tuir lei númeru 5/2017 kona-ba rejime jurídiku relativu ba prátika arte-marsiál nary rituál nary arma branka.

Iha sala julgamentu laran, Prokuradór Osorio hatateten, razaun Ministeriu Públiku públiku husu Tribunál atu aplika Prizaun Preventiva ba arguidu CS tanba iha duni indisiu arguidu nia envolvimentu ba kazu ne’e.

Pedidu prizaun preventiva husi prokuradór tanba konsidera iha indísiu forte. Enkuantu, defeza arguidu, Azelmo Pinto Akara, husu atu tetu medida koasaun ne’ebé ministériu públiku solisita ba tribunál.

Hafoin rona parte rua, Ercilia de Jesus tetu nary deside aplika medida koasaun ho prizaun preventiva. Bainhira parte rua mak la konkorda desizaun ne’e tuir prazu loron-30 bele halo rekursu.

Kazu ne’e akontese iha munisípiu Ermera, postu administrativu Ermera, suku Riheu, aldeia Sosoher lokál Maudiu.

Tuir kronolojia, Mário Salsinha lori karreta kór kinur (baskolante) halai liuhusi área ne’e, derrepente motór soke karreta ne’ebé matebian lori, hodi rezulta motorista motorizada mate kedas iha fatin akontesimentu.

Arguidu hanesan família husi vítima asidente tránzitu ne’ebé akontese. CS sai arguidu tanba ho kroat hakotu kondutór karreta baskolante, Mário Salsinha, nia vida iha fatin akontesimentu.

Notísia relevante: Tribunál julga arguidu na’in-lima ba krime furtu agravadu nary arma branka

Jornalista       : Natalino Costa

Editora           : Rita Almeida