Tribunál Oekusi suspende julgamentu interrogatóriu ba kazu Otél Oé-Upun

JUSTISA, OEKUSI

Tribunál Judisiáriu Primeira Instansia Oekusi. Imajen TATOLI/Abilio Elo Nini

OEKUSI, 28 Agostu 2025 (TATOLI) – Tribunál Judisiáriu Primeira Instánsia Oekusi, suspende prosesu julgamentu primeiru interrogatóriu ba detidu na’in-neen inklui feto ida, ne’ebé suspeitada prátika jogu online ilegál rua, hanesan esplorasaun jogu ilisita kriminoza, nary burla informátika, rede scam telephone center transnasionál, ne’ebé instala husi empreza internasionál Seagull Resort husi Malázia iha otél Oé-Upun Rejiaun Administrativa Espesiál Oé-kusi Ambeno (RAEOA).

Notísia relevante:PSIK aprezenta ona detidu na’in-neen iha tribunál Oekusi ba primeiru interrogatóriu

Juís Tribunál Judisiáriu Primeira Instánsia Oekusi, Evangelo Belo, suspende julgamentu ho razaun tempu la sufisiente, hodi adia ba lorokraik iha tuku 2:30. Tanba prosesu julgamentu ba kazu referidu hahú iha tuku 11:30 to’o de’it tuku 12:20.

“Julgamentu adia ba lorokraik tuku 2:30 tanba kestaun tempu, ema hotu iha direitu, tanba agora tempu han meiudia, ne’ebé lorokraik mak kontinua fali, ohin detidu sira balu presta ona deklasaun hela balu, ne’ebé kontinua iha lorokraik,” Advogadu Privadu, Octavio Gardozu, ba jornalista sira iha tribunál Oekusi, ohin.

Notísia relevante:PSIK ho SNI monta ona liña polisiál ba eskritóriu rua iha otél Oé-Upun

Entretantu, audénsia julgamentu ne’e, preside husi husi Juiz Administradór Judisiáriu Primeira Instansia Oekusi, Evangelino Belo, Ministériu Públiku reprezenta husi Prokuradór Mateus Nessi nary José Elo.

Detidu na’in-neen hetan asisténsia legál husi defeza husi Advogadu Privadu João Ndun nary Octavio Cardoso, inklui Defensór Públiku Estaqui Guterres.

 Notísia relevante:PSIK aprezenta ona objetu apreensaun ba Ministériu Públiku Oekusi

Jornalista: Abílio Elo Nini
Editór: Rafael Ximenes de A. Belo