2026, FAO sei implementa projetu hasa’e produsaun hare iha Uatulari

EKONOMIA, MUNISÍPIU, VIKEKE

Produsaun hare iha Uatulari. Imajen TATOLI/Vitorino Lopez da Costa

VIKEKE, 27 Agostu 2025 (TATOLI)—Organizasaun Nasaun Unida nian ba Ai-han nary Agrikultura (FAO-sigla ingleza) 2026 sei implementa projetu hasa’e produsaun hare iha Postu Administrativu Uatulari, Munisípiu Vikeke.

Reprezentante FAO iha Munisípiu Vikeke, Zaulino Sarmento Gomes haktuir programa prioridade FAO nian  iha Munisípiu Vikeke ba tinan 2026 hamutuk rua mak hanesan karau susu-been nary produsaun hare. Husi programa rua ne’e karau susu-been mak daudaun ne’e implementa iha Sentru Ratahu.

“Ba tinan oin (2026) ami programa rua mak sei implementa iha Munisípiu Vikeke. Ida, karau susu-been ne’e la’o ona nary hela mak produsaun hare. Produsaun hare ne’e tuir planu sei implementa iha tinan oin iha Uatulari,” Zaulino hateten ba TATOLI iha Postu Vikeke Vila, Kuarta ne’e.

Zaulino subliña projetu produsaun hare natar husi FAO ba agrikultór sira iha Postu Uatulari ne’ebé mak halo natar, liuhusi harii grupu, asosiasaun no kooperativa sira.

“Ami-nia alvu ne’e ba komunidade halo natar, maibé sira tenke harii grupu, hafoin ami tau-matan hanesan formasaun agríkola, monitoriza nary apoia ekipamentu agrikultór nian hodi fasilita ita-nia agrikultór sira,” nia esplika.

Nia hateten projetu FAO kona-ba produsaun hare ne’e objetivu hakarak servisu hamutuk ho agrikultór sira hodi hasa’e produsaun liuliu hare.

“Kona-ba projetu produsaun ba hare ne’e FAO sei preve millaun $1-resin iha Vikeke hodi sosa fasilidade sira apoiu ba agrikultór.  Dadus natar ne’ebé ami rekolla ne’e hamutuk ektare 2.000 ne’ebé lokalizadu iha Postu Uatulari,” nia hato’o.

Jornalista: Vitorino Lopez da Costa

Editór: Xisto Freitas da Piedade