Abril-Agostu, asu tata ema iha Ermera hamutuk 156-mate na’in-haat

ERMERA, SAÚDE

Komunidade husik asu la’o livre. Imajen espesiál

DILI, 28 Agostu 2025 (TATOLI)—Diretór Servisu Saúde Munispiu Ermera, António de Deus Fátima, informa husi fulan-Abril to’o fulan-Agostu ne’e, asu ne’ebé tata ema iha Ermera ne’e hamutuk 156 nary mate na’in-haat (4).

Notísia Relevante: MS apela ba komunidade ne’ebé haki’ak asu tenke lori bá vasina

“Husi Abríl mai to’o agora, asu tata ema hamutuk 156 nary husi númeru ne’e ema na’in-haat mak mate,” António de Deus Fátima hateten ba Agência Tatoli liuhusi telefónika, ohin.

Nia hateten, sira-nia parte rejista asu iha Servisu Saúde Munisípiu Ermera ne’e hamutuk 1.145, nary husi númeru ne’e asu sira- ne’ebé mak hetan ona vasina hamutuk 920 nary restu agora ekipa sira tama-sai uma atu halo vasinasaun.

“Iha  kazu ida  asu tata  tiha semana ida depois lakohi ba vasina, depois liu semana ida mak sintoma Raiva mosu, depois mate iha uma oras ida mak hafoin familia sira lori ba Hospitál Gleno,  maibé ita la bele dehan pozitivu tanba asu ne’e ita la konsege halo teste. Agora, asu ida tata ne’e, ema oho nary han tiha ona nia naan depois la konsege foti nia amostra atu teste. Maibé sampel ba ema ida mate ne’e iha sintoma ba raiva duni, tanba ita labele fó sai pozitivu Raiva, tanba ita la halo teste iha laboratóriu,” nia esplika.

Nia informa, Munisípiu Ermera daudaun ne’e ema mate ba Raiva hamutuk na’in-haat eseptu ba ida-ne’ebé mak sintoma Raiva.

Ekipa saúde hamutuk ho Ministériu Agrikultura iha Munisipiu Ermera, kontinua tama-sai uma  hodi fó sensibilizasaun ba komunidade kona-ba oinsá bele vasina asu sira-ne’ebé mak sira haki’ak iha ida-idak nia uma.

“Ami husi ekipa saúde nafatin halo sensibilizasaun ba komunidade, oinsá asu tata ba lalais fasilidade saúde hodi simu vasina anti Raiva. Ekipa saúde sira mós nafatin la’o ba eskola sira hodi halo sensibilizasaun ka fó informasaun sira ne’e ba estudante sira atu hatene nary bele komprende,” nia dehan.

Notísia Relevante: Kombate raiva iha Timor-Leste ho métodu XANANA

Jornalista : Felicidade Ximenes

Editór       : Cancio Ximenes