Ambulánsia haat sei to’o iha TL iha fulan-Setembru

SAÚDE

Ambulánsia apoiada husi Ministériu Saúde. Imajen TATOLI /António Daciparu

DILI, 26 Agostu 2025 (TATOLI)–Diretór Serbisu Nasionál Ambulánsia nary Emerjénsia Médika (SNAEM), Simplicio Amaral, hateten ambulánsia haat ne’ebé mak sosa ho Orsamentu Jerál Estadu 2025 sei to’o iha Timor-Leste iha fulan Setembru 2025.

“Ambulánsia ne’ebé mak ita kompra ho OJE 2025 hamutuk unidade haat iha loron 08 ou loron 10 Setembru sei to’o ona ita-nia rain. Tanba, informasaun ne’ebé mak ha’u husu ba ha’u-nia tékniku sira iha terrenu tenke update hela de’it katak bainhira mak ambulánsia ne’e tama mai mak sira informa ba ha’u katak iha setembru mai ona,” Simplicio Amaral hateten iha nia kna’ar fatin, Kaikoli, ohin.

Nia dehan, ambulánsia haat ne’e ida SNAEM sei prepara ba ospitál foun pediatria andar haat iha HNGV, tanba tuir informsaun katak iha fulan-Dezembru kontrusaun ne’e rasik sei entrega ba Governu.

“Ambulánsia mai iha Setembru ospitál andar haat ne’e mós Dezembru entrega, entaun ambulánsia ida ita oferese ba pediatria hodi tula labarik kiik sira-ne’ebé mak moras,” nia dehan.

Nia subliña, ambulánsia tolu seluk ida ba VIP   nune’e prepara ba eventu sira ne’ebé mak tuir mai nary rua seluk identifika ona ida ba Ataúro nary ida tan fó ba Munisípiu Viqueque tanba iha ne’eba populasaun barak.

“Ita fó ba munisípiu sira-ne’ebé mak durante halo transferénsia pasiente barak liu, iha parte terrestre mak Vikeke ho Ataúru.

Nia relata, totál ambulánsia husi terrestre ne’ebé mak agora daudaun kondisaun di’ak iha territoriu nasionál ne’e hamutuk 39 aumenta ho haat ne’ebé mak sei mai tan hamutuk 40-resin nary ida-ne’ebé mak entrega ona ba patrimóniu Estadu ne’e hamutuk 28.

Jornalista : Felicidade Ximenes

Editór        : Cancio Ximenes