Assanami solisita INFORDEPE investe formasaun ba manorin tuir baze no koñesimentu 

EDUKASAUN, DILI

Vise Primeiru-Ministru, Ministru Asuntu Sosiál nary Ministru Dezenvolvimentu Rurál nary Abitasaun Komunitáriu, Mariano Assanami Sabino. Imajen TATOLI/Francisco Sony

DILI, 26 Agostu 2025 (TATOLI)—Vise Primeiru-Ministru nary Ministru Koordenadór Asuntu Sosiál nary Ministru Dezenvolvimentu Rurál nary Abitasaun Komunitária, Mariano Assanami Sabino, solisita Institutu Formasaun Dosente nary Profisionál Edukasaun (INFORDEPE) atu investe formasaun ba monorin tuir baze ne’ebé loos atu aposta ba kualidade edukasaun.

“Solisita INFORDEPE atu investe formasaun ba manorin sira tenke iha baze nary koñesimentu oinsá mak ita forma ema sai matenek, profisionál nary dedika nia aan atu utiliza tempu ho di’ak, hodi forma estudante sira,” Assanami dehan liuhusi nia diskursu iha iha salaun Delta Nova, Dili, Tersa ne’e.

Hanesan Vise Primeiru-Ministru, nia haktuir, nia sempre ko’alia katak manorin la’ós fatin ba servisu ne’ebé atu simu de’it saláriu, maibé fatin ida-ne’e ho konxiénsia atu sai edukadór.

“Ha’u fiar ida-ne’e tanba manorin balun voluntáriu tinan lima (5), maibé lakohi bá buka servisu seluk. Hakarak manorin nafatin. Ida-ne’e hatudu katak iha duni fuan ne’ebé atu sai manorin tanba sai manorin la’ós de’it edukadór maibé hanesan aman ida atu lori oan sira bá-oin,” Assanami informa.

Notísia relevante: INFORDEPE fó formasaun ba dirijente Ensinu Báziku sira iha Oekusi

Hatán ba kestaun ne’e, Prezidente INFORDEPE, Domingos Martins, konsidera orientasaun husi Vise Primeiru-Ministru nian ne’e importante tebes.

“Ami kumpri orientasaun Vise Primeiru-Ministru, Mariano Assanami Sabino, nune’e ami iha obrigasaun atu kapasita manorin sira iha nivel territóriu,” nia tenik.

Nia esplika, INFORDEPE fasilita formasaun ligadu ho konteúdu disiplina sira, liuliu literásia nary numerásia.

“Formasaun ne’e ita foka liubá literásia, numerásia nary mós iha área ensinu báziku. Maibé, tinan ne’e, ita prepara hela oinsá atu kapasita manorin sira-ne’ebé hanorin disiplina ba estudante sira iha 7^o ano, tanba iha 2026 implementa ona reforma kurríkulu,” Domingos haktuir.

Tuir nia, formasaun referida daudaun ne’e sei foku ba manorin sira-ne’ebé hanorin iha 7^o ano, ne’ebé sei hahú iha semana oin, 28-30 Agostu, ba disiplina hanesan inglés, edukasaun fízika nary seluk tan.

Nia hatutan, sira mós hala’o formasaun kontinuasaun ba manorin bolsa kandidatu, ba sira-ne’ebé seidauk hetan formasaun.

Entretantu, manorin sira-ne’ebé tuir ona formasaun kuaze 500 ne’ebé fasilita husi INFORDEPE iha área oinoin.

Jornalista : Osória Marques

Editora      : Julia Chatarina