Autoridade suku rekomenda aselera inaugurasaun turizmu komunitáriu iha Wataboo

BAUKAU, HEADLINE, MUNISÍPIU

Projetu konstrusaun nary reabilitasaun turizmu komunitária iha Wataboo, Aldeia Tasi, Suku Buruma, Postu Administrativu Baukau Vila. Imajen espesiál

DILI, 26 Agostu 2025 (TATOLI)—Autoridade Suku Buruma, Postu Administrativu Baukau Vila, Munisípiu Baukau solisita Ministériu Turizmu nary Ambientál (MTA) atu aselera inaugurasaun projetu komunitáriu ne’ebé hala’o iha Wataboo, Aldeia Tasi.

Xefe Suku Buruma, Postu Administrativu Baukau Vila, Libório dos Santos Freitas esplika turizmu komunitáriu ne’e ligadu ho reabilitasaun Uma Portugés iha área tasi-ibun Wataboo ne’ebé hala’o husi MTA, nune’e mezmu autoridade laiha informasaun maibé presiza aselera nary specify ona jerente para tau-matan iha futuru.

“Ami rekomenda de’it katak kuandu finaliza ona presiza iha termu entrega nary delega responsavel ida atu tau-matan iha futuru nune’e labele abandonadu,” Xefe Suku Buruma informa ba TATOLI liuhosi telefónema, Tersa ne’e.

Libório relata husi informasaun nary observasaun direta iha terrenu nota projetu referidu finaliza ona maibé to’o to’o seidauk iha informasaun kona-ba inaugurasaun nary termu entrega ruma ba institusaun inklui autoridade suku hodi jere iha fururu.

Projetu referidu tipu turizmu komunitáriu iha-ne’ebé finansia husi MTA, ne’ebé kompañia Vinte de Maio Unipessoal, Lda mak responsabiliza nary tuir kontratu hahú implementa iha Agostu 2024 to’o Fevereiru 2025.

Tuir kontratu, projetu ne’e halo reabilitasaun ba Uma Portugál, konstrusaun foun ba gazebo nary toilet ho totál orsamentu hamutuk rihun $57-resin.

Jornalista: Natalino Belo 

Editór: Xisto Freitas da Piedade