.png)
1 day ago
1
KOVALIMA, 27 Agostu 2025 ( TATOLI)- Konsellu Munisipál Kombatente Libertasaun Nasionál Kovalima (CMCLN-sigla portugés), fasilita ona deklarasaun 127 ba veteranu nary kombatente libertasaun nia-oan ne’ebé mak hakarak aplika vaga ba ajente Polísia Nasionál Timor-Leste (PNTL).
“Veteranu nary komabatente nia-oan na’in-127 mak foti ona deklarasaun husi Konselu Kombatente Libertasaun Nasionál Munisípiu Kovalima hodi ba aplika vaga husi Polisia Nasionál Timor-Leste (PNTL)”, Membru CMCLN Kovalima, Joaquim Barros Sikat-Leet, relata dadus ne’e ba TATOLI iha nia servisu fatin Tabakolot, ohin.
Kritériu hetan deklarasaun husi CMCLN mak veteranu nia-oan bá foti formuláriu iha komandu PNTL Kovalima hafoin sei lori mai iha Konsellu Munisipál Kombatente Libertasaun Kovalima, tanba iha formuláriu ne’e rasik iha espasu espesiál atu halo komentáriu.
“Ita fasilita deklarasaun bainhira nia inan ho aman nia fixa rejista iha sistema baze dadus bainhira, nia inan nary aman laiha fixa ita la fasilita nary la konsidera veteranu nary kombatente nia oan”, nia esplika
Fó hanoin fali katak, Komandu Polísia Nasionál Timor-Leste (PNTL) Kovalima hahú distribui formuláriu atu halo rekrutamentu ba ajente Polísia Nasionál Timor-Leste (PNTL) iha loron 5 to’o 29 Agostu ne’e ba kandidatu sira ne’ebé mak hakarak konkorre iha prosesu rekrutamentu ba ajente PNTL foun.
Iha loron 12 to’o 9 Setembru, komandu PNTL simu hikas dokumentu ne’ebé mak kandidatu sira intrese hodi prepara atu submete fali dokumentu inklui formúlariu ne’ebé mak komandu PNTL distribui ba kandidatu sira.
PNTL fó sai informasaun kona-ba rekrutamentu ba membru polísia foun hamutuk 400 ba 2025 ne’e bazeia ba Diploma Ministérial númeru 17/2025 ,25 Juñu ,regulamentu ba konkursu admisaun públika ba kursu formasaun ba ajente Polísia Nasionál Timor-Leste (PNTL).
Jornalista:Celestina Teles
Editór:Florencio Miranda Ximenes
/data/photo/2025/08/25/68abe52811277.jpeg)
/data/photo/2025/02/07/67a58067cbdce.jpg)
