Funsionáriu Oekusi benefísia formasaun kona-ba utilizasaun teknolojia husi TIC

OEKUSI

TIC,I.P fasilita formasaun ba funsionáriu sira iha RAEOA, kona-ba utilizasaun teknolojia. Imajen TATOLI/Abílio Elo Nini

OEKUSI, 26  Agostu 2025 (TATOLI) – Ajénsia Teknolojia Informasaun  nary Komunikasaun, Institutu Públiku (TIC Timor,I.P) fasilita formasaun ba funsionáriu sira iha Rejiaun Administrativa Espesiál Oekusi Ambeno (RAEOA), kona-ba utilizasaun teknolojia.

Diretór Ezekutivu, TIC Timor,I.P, informa, formasaun ne’e, realiza durante semana rua, ho  objetivu atu kapasita lideransa sira, hanesan jestór sub-rejiaun nary funsionáriu públiku sira,

“Formasaun ne’e, parte husi programa Governu nian, nu’udar preparasaun ba Governu eletróniku. Tan ne’e, molok ba iha implementasaun, presiza hasa’e koñesimentu ba sira, ne’ebé ohin ita abertura iha Oekusi, faze tuirmai sei implementa tan iha munisípiu seluk, nary sei konklui iha Atauro,” nia dehan, iha salaun administrasaun Numbei, ohin.

Nia esplika, formasaun ne’e fokuliu ba nível bázika, kona-ba utilizasaun teknolojia hanesan Microsoft Work, Excel, Power Point, siber seguransa nary artifisiál intelejente nian.

“Depoisde formasaun ne’e konklui, ita sei kontinua ba iha nível intermédiu nary nível avansadu nian, formasaun ne’e la’ós de’it ba iha administrasaun maibé sei kobre hotu mós nível tékniku,” nia afirma.

Notísia relevante:TIC Timor sensibiliza sistema dijitalizasaun no Governu eletróniku iha Oé-Cusse

Iha biban ne’e, Diretór Diresaun Administrasaun, Augostu Jorge de Fátima Efi, konsidera formasaun importante, atu hasa’e abilidade nary koñesimentu ba funsionáriu sira, oinsá bele utiliza téknolojia ho loloos.

“Formasaun ne’e importante ba funsionáriu sira atu hatene halo dokumentu  ho di’ak tuir TIC Timor nia hanorin, tanba ita-nia dokumentu barak sei rai iha liur ka manuál de’it, dalaruma hetan estragu, maibé bainhira asegura ona iha sistema eletrónika, ha’u hanoin sei iha mudansa, ne’ebé ha’u ira-ne’ebé ohin tuir formasaun durante semana rua, tenke aprende ho di’ak, la’ós naran tama ba kaer de’it komputadór ne’e sai fali mamuk, maibé tenke sériu nune’e iha futuru bele hadi’a administrasaun ne’e,” nia katak.

Notísia relevante:SEKOMS-TIC Timor introdús utilizasaun sistema SDII ba Mídia Ofisiál ministériu sira

Jornalista: Abílio Elo Nini

Editór: Rafael Ximenes de A. Belo