KM aprova rezolusaun apoia millaun $10 ba inséndiu iha Portugál

EKONOMIA, POLÍTIKA

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (27/08). Imajen Tatoli/Francisco Sony

DILI, 27 Agostu 2025 (TATOLI)—Governu aprova rezolusaun ne’ebé aprezenta husi Primeiru Ministru, Kay Rala Xanana Gusmão, hodi apoiu doasaun ho montante millaun $10 ba inséndiu ne’ebé akontese iha Moimenta da Beira Portugál iha loron sábadu (09 Agostu 2025), iha tempu kalan.

Tamba ne’e, ohin, iha Konsellu Ministru manifesta nia solidariedade ho Repúblika Portugál nary povu portugés, tanba inséndiu maka’as iha ai-laran ne’ebé foin lalais ne’e afeta rejiaun norte nary sentrál nasaun nian, hodi estraga ai-laran liu ektare rihun 248 nary halo ema mate.

Iha kontestu ida-ne’e, aprova ona projetu Rezolusaun Governu nian, ne’ebé aprezenta husi Primeiru-Ministru, Kay Rala Xanana Gusmão, ne’ebé autoriza fó doasaun millaun 10 ba Repúblika Portugeza hodi apoia rekuperasaun husi estragu sira-neʼebé kauza husi inséndiu.

Jornalista : Alexandra da Costa

Editór        : Cancio Ximenes