Komisaun rekrutamentu rejista kandidatu ne’ebé remete hikas formuláriu hamutuk 4.428

HEADLINE, SEGURANSA

Portavós Komisaun Rekrutamentu membru polísia foun, Superintendente Polísia António da Lús, atualiza progresu rekrutamentu ba jornalista sira iha Sentru Formasaun Polísia, Komoro, tersa-ne’e. Foto TATOLI/Natalino Costa

DILI, 26 Agustu 2025 (TATOLI)-Portavós Sekretáriadu Komisaun Rekrutamentu Polísia Nasionál Timor-Leste (PNTL), Superintendente Polísia António da Lúz, informa Komandu PNTL rejista kandidatu ne’ebé remete fali ona formuláriu vaga ba rekrutamentu membru foun hamutuk 4.428.

Nia esplika kandidatu sira ne’ebe mak simu formuláriu hahú husi 5 to’o 25 Agostu 2025 hamutuk ema na’in-17.148, sira ne’ebé la-liu iha dokumentu tanba idade nary altura la to’o hamutuk ema na’in-4.702.

“Totál sira ne’ebé mak submete ba pontu fokál iha ida-idak nia munisípiu hamutuk ema na’in-4.428”, António da Lúz hatete ba jornalista sira iha nia kna’ar fatin Sentru Formasaun Polísia, tersa-ne’e.

Nia informa husi númeru ema na’in-4.428 kompostu kategoria tolu nary jerál mak ema na’in-3037, mane na’in-2254, feto na’in783, jerasaun patriota hamutuk na’in-835, mane 645, feto 190, PNTL nia oan sira hamutuk na’in-556, mane 396 nary feto 160.

Nia dehan, ba kandidatu sira ne’ebé hatama formuláriu ne’e to’o de’it loron 9 fulan-Setembru 2025. Husi loron 10 fulan-Setembru 2025 pontu fokál husi munisípiu sira sei lori mai entrega iha sekretáriadu atu halo verifikasaun ba dokumentu sira.

“Iha loron ne’e kedan pontu fokál halo verifikasaun ba dokumentu kandidatu sira, hafoin ida-ne’e sira sei taka sai naran sira ne’ebé mak liu iha selesaun dokumentu, nune’e preepara ba prova eskrita”, katak nia.

Da Lús hateten prova eskrita nia laran husu ba kandidatu sira tenke prepara lapis 2B, regua, afiadór nary apagadór. Nia husu ba kandidatu sira prepara-an tuir ezame eskrita nary kuidadu sira-nia saúde nary fiziku.

“Husu ba kandidatu sira prepara-án ho didiak, husi prova eskrita sei avansa ba teste fiziku ne’ebé sei hala’o iha Sentru Formasaun Polísia Komoro iha Dili”, nia konklui.

Notísia relevante: Komisaun rekrutamentu rejista ona kandidatu asesu formuláriu 14.595

Jornalista       : Natalino Costa

Editora           : Rita Almeida