MAF halo ona transferénsia pasiente na’in-86 iha minsípiu hitu

DILI, 26 Agostu 2025 (TATOLI)—Diretór Serbisu Nasionál Ambulánsia nary Emerjénsia Médika (SNAEM), Simplicio Amaral, informa husi fulan-Abril mai to’o Juñu ne’e, Mission Aviation Felowship (MAF) halo ona transferénsia pasiente hamutuk 86 iha munisípiu hitu (7).

Notísia Relevante: Fulan oin, MAF sei lansa Voo doméstiku regular foun iha Timor-Leste

“MAF halo halo ona transferénsia pasiente iha munisípiu Dili-Atauru, Baukau, Vikeke, Kovalima, Same, Maliana nary RAEOA, entaun munisípiu sira-ne’e mak sai baze ba   transferénsia aero nian,” Simplicio Amaral hateten ba jornalista sira iha nia kna’ar fatin, Kaikoli, ohin.

Nia esplika, moras ne’ebé transferensia maka’as mak Dili-Ataúru hamutuk 32, Bobonaro 22, RAEOA hautuk 16, Kovalima hamutuk 10, Vikeke na’in-rua (2), Lautein na’in-rua (2), Baukau na’in-ida (1) nary Same-Manufahi na’in-ida (1).

“Ita servisu ambulánsia evakua pasiente hotu-hotu la haree ba veteranu nary ema baibain. Tanba, ita haree ba médiku sira iha ospital referral, sira haree kondisaun pasiente sira-nian merese atu referál, entaun ita-nia Aviaun ba tula sira mai,” nia dehan.

Pasiente sira-ne’ebé mak transferénsia mai Dili ne’e, maioria atu halo intervensaun husi espesialista sira mak hanesan kazu maternidade, kazu ne’ebé mak ligadu atu halo operasaun nian, kazu sirurjia liuliu trauma sira, kazu sira-ne’ebé mak labele halo atendimentu iha munisípiu, entaun presiza intervensaun husi mediku espesilaista sira.

“Pasiente sira-ne’e balun idade 50 ba leten, ida ne’e haree ba iha kazu moras fuan, stroke, inan isin rua sira, ida-ne’e idade produtivu sira-ne’e mak durante ita halo tarsnefrénsia husi aviaun,” nia dehan.

Durante trimestre dahuluk, nia relata, transferénsia husi aero hamutuk 86 nary husi ne’e mai husi Munisípiu Dili-Ataúru hamutuk 36, Maliana 18, RAEOA 16, Kovalima-Suai neen (6), Lautein  haat (4), Manufahi-Same haat (4) nary Vikeke rua (2).

Entretantu, nia dehan, transferénsia liga fali ba Ambulásia via terrestre ne’e, durante fulan-Abríl to’o fulan-Juñunia laran ne’e, halo transferénsia ba pasiente sira hamutuk ema 3.885.

“Sira-nia moras hanesan ho ida ohin aviaun evakua ne’e, maibe kategoria ne’ebé mak ladun grave, entaun presiza intervensaun husi HNGV,” nia hateten.

Nia dehan, husi dadus 3.885 ne’e la’ós hotu-hotu mai iha HNGV maibé hanesan iha Dili ne’e ekipa ambulánsia sira evakua iha komunidade no lori ba sentru saúde sira iha Dili laran nary la’ós hotu-hotu ba HNGV.

“Tanba ne’e mak ita presiza klasifika katak husi númeru ne’e ita-nia pesoál sira evakua ba sentru saúde sira-ne’ebé mak iha, tanba husi numeru ne’e sura mós ho munisípiu hotu-hotu. Ezemplu, iha Lautein transferensia mai iha Baucau, depois Baucau transferénsia mai HNGV, entaun ida-ne’e mak durante ne’e ekipa SNAEM hala’o iha trimestre daruak ne’e,” nia dehan,

Durante fulan-Abril mai to’o Juñu ne’e iha munispiu Aileu evakua pasiente hamutuk 289, Ainaru hamutuk 208, Ataúru hamutuk 101, Baukau hamutuk 149, Bobonaru hamutuk 88, Kovalima hamutuk 72, Dili hamutuk 877, Ermera hamutuk 332, Lautein hamutuk 180, Liquiça hamutuk 412, Manatutu hamutuk 247, Manufahi hamutuk 393, RAEOA hamutuk 259 nary Vikeke hamutuk 278.

“Husi dadus ne’e, ita haree barak liu mak iha munisípiu Dili, tanba Dili hanesan kapitál, entaun pasiente barak loos. Husi Dili ne’e la maioria ba hotu HNGV, maibé husi komunidade evakua ba sentru saúde sira, nune’e mak ita konta katak númeru pasiente maka’as iha Dili,”  hateten.

 Jornalista : Felicidade Ximenes

Editór        : Cancio Ximenes