ME imprime pontu ezame nasionál iha Setembru no ezame realiza 20 Outubru 

DILI

Koordenadór Gabinete Unidade Kurríkulu Nasionál ME, João Maupelu. Imajen/Tatoli

DILI, 28 Agostu 2025 (TATOLI)–Ministériu Edukasaun (ME) liuhusi Gabinete Kurríkulu Unidade Nasionál, planeia ona atu halo impresaun ba matéria ezame nasionál iha 08 Setembru 2025

“Ita la’o tuir kalendáriu ne’ebé iha nary planu ne’ebé iha katak loron 08 Setembru hahú imprime pontu ezame nasionál, nune’e iha loron-20 Outubru realiza ezame nasionál,” Koordenadór Gabinete Kurríkulu Unidade Nasionál, João Maupelu, hateten ba jornalista sira, iha Balide, Kinta ne’e.

Nia haktuir, elaborasaun matéria ezame ninian finalizadu ona nary agora tama iha faze revizaun kualidade kontrolu ba pontu.

“Prosesu elaborasaun ba pontu ezame nasionál ne’e hotu ona. Agora iha faze revizaun matéria, maibé besik atu finaliza ona,” nia dehan.

Notísia relevante: Edukasaun Ainaru halo ona avaliasaun ba preparasaun ezame períodu daruak 

Tuir dadus provizóriu, lista finalista ne’ebé Ministériu Edukasaun rejista tantu ensinu báziku nary ensinu sekundáriu hamutuk 54.000.

Ba ensinu báziku, ezame nasionál loron tolu nary sei kontinua ezame lokál, depoiz ba ensinu sekundáriu ezame nasionál loron haat nary kontinua kedas ba ezame lokál.

“Tinan ne’e ita impreme pontu ezame nasionál iha sentru imprensaun Ministériu Edukasaun nian. Prosesu impesaun ne’e durante loron 40 nia laran. Nune’e, iha 17 Outubru ita sei atribui nary 20 realiza ezame nasionál,” Maupelu esplika.

Jornalista : Osória Marques

Editora      : Julia Chatarina