MF hametin amizade ho mídia iha Munisípiu Vikeke

MUNISÍPIU, VIKEKE

Enkontru entre ekipa Ministériu Finansa (MF) liuhusi Unidade Komunikasaun nary Relasaun Públika (UKRP) ho jornalista sira kona-ba kooperasaun serbisu. Imajen TATOLI/Vitorino Lopez da Costa

VIKEKE, 27 Agostu 2025 (TATOLI)—Ministériu Finansa (MF) liuhusi Unidade Komunikasaun nary Relasaun Públika (UKRP), Kinta ne’e, hametin lasu amizade ho Rádiu Komunidade nary jornalista deztakadu sira iha Munisípiu Vikeke hodi disemina informasaun ba públiku.

Reprezentante Xefe UKRP, Geovanio Henrique haktuir UKRP mai Munisípiu Vikeke ho objetivu atu  servisu hamutuk ho mídia sira hodi disemina informasaun serbisu MF nian ba públiku hodi hatene.

“Iha Munisípiu Vikeke ami-nia maluk sira mak Institutu Nasionál Timor-Leste, Institutu Públiku (INTL, I.P.). Tan ne’e, mídia sira bele servisu hamutuk ho sira hodi divulga informasaun. Tanba ne’e, ami mai servisu hamutuk ho mídia sira hanesan Rádiu Komunidade, RTTL, E.P. no  TATOLI, I.P. hodi halo kobertura ba servisu sira-ne’ebé mak INETL halo iha Munisípiu Vikeke,” Geovanio hateten ba jonalista sira iha Sira-Lari, Vikeke, Kuarta ne’e.

Iha fatin hanesan, Jestór Rádiu Komunidade Munisípiu Vikeke, Florindo de Jesus hato’o agradesimentu ba ekipa MF ne’ebé ho inisiativa di’ak bele halo relasaun serbisu ho mídia sira iha Munisípiu Vikeke.

“Liuhusi relasaun amizade ne’e mak mídia sira bele kobre informasaun sira-ne’ebé parte MF realiza iha Munisípiu Vikeke,” nia hato’o.

Partisipa iha sorumutu mak ekipa UKRP husi MF, jestór Rádiu Komunidade Vikeke, jornalista TATOLI, Xefe INETL Munisípiu Vikeke nary funsionáriu sira.

Jornalista: Vitorino Lopez da Costa

Editór: Xisto Freitas da Piedade