MMT lansa livru rua ba importánsia kualidade edukasaun  

EDUKASAUN, DILI

ONG internasionál Mary MacKillop Today hamutuk ho Governu nary parseru sira hala'o lansamentu ba livru "Prepara Aan iha Tempu Udan" nary "Sau Batar iha Knua", iha ámbitu selebrasaun aniversáriu Mary MacKillop Today ba dala-31, Tersa (26/08). Imajen TATOLI/Francisco Sony

DILI,  26 Agostu 2025 (TATOLI)—Mary MacKillop Today (MMT) liuhusi nia aniversáriu ba dala-XXXI lansa livru rua atu investe ba edukasaun.

Country Director Mary MacKillop Today, Alípio Baltar, hateten, MMT lansa livru istória rua kompostu husi ‘Prepara aan iha Tempu Udan’ nary ‘Sau Batar iha Knua’ ne’ebé atu investe ba edukasaun hodi reforsa koñesimentu, konxiénsia ambientál nary kulturál.

“MMT dezenvolve livru istória kultura nary redusaun risku dezastre atu ajuda prosesu aprendizajen hodi hasa’e kualidade edukasaun ne’ebé ligada ba reziliénsia tuir kurríkulu nasionál ba ensinu báziku,” Alipio Baltazar dehan liuhusi nia diskursu, iha salaun Delta Nova, Dili, Tersa ne’e.

Nia esplika, livru istória Sau Batar iha Knua reflete ba identidade timoroan, atu labarik sira hatene nary aplika iha sira-nia moris loroloron, entretantu, livru Prepara aan iha Tempu Udan hanesan ferramenta ida hodi tulun labarik sira, tanba sira hasoru iha vida loroloron durante tempu udan nary hakur mota mesak.

Aleinde ne’e, lansa mós manuál tolu atu tulun manorin nary estudante sira hodi apoiu ba sesaun aprendizajen tuir kurríkulu nasionál.

“Ohin ita lansa mós manuál tolu ba projetu formasaun manorin ba literásia, projetu saúde literásia ne’ebé sita kona-ba moras hada’et nary mós la hada’et nary projetu edukasaun inkluziva ne’ebé hetan ona aprovasaun husi Ministériu Edukasaun, INFORDEPE nary Ministériu Saude,” nia haktuir.

Notísia relevante: Mary MacKillop Today promove alfabetizasaun tetun ba profesór nary inan-aman iha munisípiu

Alípio tenik, livru hirak-ne’e eskritór maihusi timoroan rasik, ne’ebé iha tinan 2020 mai to’o agora livru hamutuk sia (9), maibé antes ne’e husi 2000-2028 ne’e madre sira husi Áustria mak hakerek oferese mai Timor hodi enkaixa iha kurríkulu nasionál.

“Ho ida-ne’e livru hamutuk 72 mak adapta ona iha sesaun aprendizajen kurríkulu nasionál Ministériu Edukasaun. Ita mós fornese livru 17 ba Komité Nasionál UNESCO hodi halo tradusaun ba lian materna sira,” nia relata.

Country Director akresenta Mary MacKillop Today mós implementa ona programa footwear hanesan programa edukasaun nary substánsia nary mós programa formasaun manorin, saúde literásia, edukasaun inkluziva, formasaun inan-aman nary edukasaun teknolojia.

Iha fatin hanesan, Vise Primeiru-Ministru nary Ministru Koordenadór Asuntu Sosiál nary Ministru Dezenvolvimentu Rurál nary Abitasaun Komunitária, Mariano Assanami Sabino, hateten buat ne’ebé MMT halo importante tebes ba sosiedade liuhusi edukasaun.

“Tanba ita-nia edukasaun la’ós de’it koñesimentu nary siénsia, maibé ita restaura ita-nia valór nary kultura sira. Atu transforma valór sira-ne’e, edukadór mak sai xave importante tanba liuhusi edukadór mak ita kuda metin abut edukasaun nian ba futuru,” nia subliña.

Nia agrumenta, Mary Mackillop nia misaun la’o tuir duni saida mak Governu hakarak, hodi investe iha setór edukasaun nary saúde.

“Tanba ne’e hakarak hato’o apresiasaun ba MMT atu nafatin la’o ho misaun ne’e bá-oin. Saida mak imi investe ona ba labarik sira, hanesan investe ba futuru,” nia hakotu.

Jornalista : Osória Marques

Editora      : Julia Chatarina