MOP-Governu Austrália no CCI-TL fasilita formasaun FRC ba kontratór lokál 60

EKONOMIA, POLÍTIKA

Kontratór lokál na'in-60 hasai retratu hamutuk ho Ministru Obra Públika, Samuel Marçal nary Prezidente Câmara Comércio Indústria Timor-Leste, Jorge Manuel de Araújo Serano, inklui reprezentante embaixadór Austrália ba Timor-Leste, Edward Wilkinson, iha atividade formasaun Fiber (FRC) iha Hotel Timoro, tersa (26 Agostu 2025). Imajen Tatoli/Alexandra da Costa.

DILI, 26 Agostu 2025 (TATOLI)—Ministériu Obra Públika hamutuk ho Câmara Comércio Indústria Timor-Leste (CCI-TL) nary Governu Austrália liuhusi programa PARTISIPA fasilita treinamentu Fiber Reinforced Concrete (FRC) pavimentu ba kontratór lokál na’in-60 husi territóriu nasionál, hahú husi 26-27 Agostu 2025.

Objetivu husi programa ne’e atu garante kualidade projetu infraestrutura, hamenus fundu ba materiál konstrusaun sira nary apoiu ba operasaun Programa Dezenvolvimentu Nasionál Suku (PNDS), manutensaun bee rurál, estrada sub-nasionál nary dezentralizasaun administrasaun.

Ministru Obras Públika, Samuel Marçal, hateten formasaun ne’e kontinuasaun husi kooperasaun entre Timor-Leste nary Governu Austrália neʼebé iha inisiativa atu apoia fó formasaun ba setór privadu iha Timor-Leste, nune’e sira bele implementa servisu ho sistema teknolojia hodi garante kualidade liga liu ba estrada rurál.

“Formasaun ne’e objetivu atu hasa’e kapasidade kontratór sira iha planeamentu, dezenu nary estimasaun kustu sira iha projetu estrada rurál sira iha tinan 2026 nary ba oin. Oras ne’e daudaun, programa PARTISIPA hala’o hela projetu demonstrasaun pavimentu FRC rua iha Ainaru nary Ermera,” Governante ne’e informa ba jornalista sira iha Hotel Timor, ohin.

Tamba ne’e, nia dehan, ohin envolve partisipante lubuk ida hodi tuir formasaun ne’e, entaun ida-ne’e onra footwear ida hatudu katak hotu-hotu hahú iha inisiativa nary oportuidade ida-ne’e la’ós de’it atu halo obra mak di’ak maibé oportunidade ida mós hodi hasa’e kapasitasaun setór privadu nian.

“Tuir orientasaun husi Primeiru Ministru nian, katak iha Governu da-sia ne’e fó mós prioridade ba kapasitasaun setór privadu, tanba sira mós importante tebes hodi asegura ekonómia rai-laran,” nia dehan.

Iha fatin hanesan, Prezidente Câmara Comércio Indústria Timor-Leste, Jorge Manuel de Araújo Serano, hato’o agradesementu ba inisiativa husi Governu da-sia nian liuhusi Ministéria Obra Públika inklui parseiru Governu Austrália nian ne’ebé bele realiza formasaun ne’e ba kontratór lokál sira.

“Ita hatene klaru katak kualidade ba obra sira la’ós de’it ho manuál de’it maibé ita mós adota sistema teknolojia foun sira bara-barak ho tempu agora, liuliu liga ba projetu iha área rurál sira,” nia hateten.

Tanba ne’e, nia apela ba tékniku husi konstrusaun sivil sira presiza hatene kle’an kona-ba sistema teknolojia foun FRC, maske sistema ne’e implementa ona iha projetu pilotu balun hanesan Railaku-Ermera nary Ainaru, fiar katak ho sistema teknolojia ne’e bele ajuda fó impaktu benefisiu ba rai Timor-Leste.

“Fiar katak ho sistema teknolojia ida-ne’e bele ajuda tanba ita-nia rai ne’e klima ladun di’ak nary bokon, entaun presiza tebes implementa sistema ida-ne’e ho pavimentu neʼebé kualidade,” nia dehan.

Iha biban ne’e, Reprezentante Embaixadór Austrália ba Timor-Leste, Edward Wilkinson, hateten Austrália orgullu bele servisu parseria ho Governu Timor-Leste, espesialmente Ministériu Obra Públika iha nível nasionál nary munisípiu hodi hametin dezenvolvimentu infraestrutura liuhusi inovasaun nary kapasitasaun.

“Eventu ohin reflete espíritu kooperasaun Austrália nian ho Timor-Leste, ho objetivu hamutuk atu hasa’e kualidade, durabilidade nary sustentabilidade infraestrutura estrada nian. Austrália fó apoiu ba inisiativa estratéjiku sira-ne’ebé hasa’e kapasidade setór públiku, haburas partisipasaun inkluzivu nary promove solusaun bazeia ba evidénsia iha prestasaun infraestrutura,” nia hateten.

Inisiativa FRC ida-ne’e mak ezemplu ida forte ba inovasaun prátika iha asaun nary Austrália haksolok tebes katak parseria ne’e bele kontinua ba oin ho apoiu husi programa PARTISIPA nary agradese ba pesoál Governu nary PARTISIPA tomak, nary mós pesoál setór privadu ne’ebé atende formasaun ohin.

“Nune’e, husi teknolojia foun konkretu reforsadu ho fibro, teknolojia hametin estrada rurál folin baratu. Iha future, presiza hametin estrada rural, Teknolojia bele fornese bá munisipálidade nary Governu Timor-Leste atu harii estrada foun barak ho folin baratu,” nia dehan.

Nia hateten, fundu ba iha formasaun ne’e apoiu husi Programa dezenvolvimenutu Austrália nian ho naran PARTISIPA, ho montante Millaun $1, ho formadór sira-ne’e apoiu husi Governu Austrália hamutuk ema na’in-lima (5) mesak timoroan de’it ne’ebé servisu iha PARTISIPA.

Jornalista : Alexandra da Costa

Editór         : Cancio Ximenes