MSSI distribui foos ba família vulneravel iha Kovalima

KOVALIMA, INKLUZAUN SOSIÁL

Ministra MSSI, Veronica das Dores ,akompaña husi Autoridade Kovalima entrega foos ho ai-Han komplementár ba família vulnerável. Imajen espesiàl.

KOVALIMA, 27  Agostu 2025 ( TATOLI) – Ministra  Solidariedade Sosiál nary Inkluzaun (MSSI), Veronica das Dores ho nia ekipa  hamutuk ho Autoridade Kovalima distribui foos nary ai-han komplementár ba família vulneravel sira iha postu administrativu Zumalai, Tilomar nary Fatumea, iha munisípiu Kovalima.

“ Fó Apoiu la’ós han ba iha  tempu naruk, maibé ai-han ne’ebé ami distribui atu fó netik ba maluk ne’ebé identifika husi xefe suku, xefa aldeia, tékniku sosiál nary funsionáriu tomak reprezenta Governu”, Ministra Veronica das Dores hato’o iha nia diskursu iha Tilomar.

Governante fó hanoin ba xefe suku nary xefe aldeia  sira bainhira identifika família vulneravel nary ema ho defisiente (EhD) sira labele haree ba koor partidu,maibé identifika família vulneravel ne’ebé presiza tulun duni.

“ Foos saku ida ita-boot sira sei han la to’o fulan tanba balun presiza fó apoiu ho mensál haree sira ne’e presiza duni maibé família sira seluk mós presiza fó apoiu ami identifika tuir kbi’it nary forsa ne’ebé iha “nia esplika.

Ministra ho ekipa iha Kovalima hala’o atividade sira hanesan iha loron 24 Agostu ne’e distribui foos nary ai-han komplementar ba família vulneravél iha postu administrativu Zumalai hamutuk 243. hafoin kontinua distribui iha postu administrativu Tilomar ba família vulneravél hamutuk 141 nary iha fatumea hamutuk 200 .

Aleide fó apoiu, Governante mós hala’o atividade hodi hala’o vizita ba oan ki’ak na’in-12 iha Fatumea,observa direta konstruisaun edifísiu MSSI iha postu administrativu Fohorem nary mós observa rai ba futuru atu konstrui edifisiu MSSI iha Tilomar

Iha biban hanesan, Administradór Postu Administrativu Tilomar,Venancio Sarmento, hato’o agradesimentu ba Ministra tanba foin ba dahuluk vizita postu Tilomar hodi distribui direta foos nary ai-han komplementar ba família vulnerável sira.

“Família vulneravel sira lista mai housi suku haat hamutuk 141 simu apoiu hodi bele responde nesesidade iha uma”, nia agradese.

 Jornalista:Celestina Teles

Editór:Florencio Miranda Ximenes