PCIC kontinua intensifika kontaktu ho INTERPOL hodi kombate krime

JUSTISA, HEADLINE

Logotipu PCIC. Imajen Tatoli/Egas Cristovão

DILI, 27 Agostu 2025 (TATOLI)-Portavós Polísia Sientífika Investigasaun Kriminál (PCIC, sigla portugés), Mário Tavares, informa PCIC nu’udar orgaun polísia kriminál espesializada intensifika kontakta ho Organizasaun Polísia Kriminál Internasionál (INTERPOL, sigla inglés) hodi kombate krime burla informátika (sistema dijitál) iha Timor-Leste.

“Agora iha tinan 2025 kazu burla informátika liga ba scamming online (fraude internet) ne’e kazu 18. Barak liu komunidade simu, depois halo tranferénsia osan ba nasaun viziñu. Agora husi INTERPOL alerta atu kombate aktu sira hanesan ne’e, tanba ne’e ami iha kontaktu ho sira hodi bele alerta, nune’e ami bele halo atuasaun”, Tavares hateten ba jornalista sira iha konferénsia imprensa ne’ebé halo iha edifisiu PCIC Kolmera, kuarta ne’e.

Nia dehan, hanesan kazu ne’ebé akontese iha Rejiaun Administrativa Espesiál Oekusi Ambenu, fatin ne’ebé instala esplorasaun jogu ilísitu nary fatin espesiál scamming online.

Nia dehan, agora daudaun husi Banku mós rigorozu liga ba tranferénsia osan Banku sei husu tuir osan ne’e atu transfere ba ne’ebé nary atu utiliza ba saida.

“Tanba ita-nia vítima barak loos ona, númeru fiksu ha’u la dekór. Maibé númeru bastante ne’e signifikativu katak krime ne’e repete. Husi númeru sira ne’e PCIC identifka ona balun nary konsege halo ona prosesu ba suspeitu sira kona ba rezultadu investigasaun ba kazu ne’e ha’u labele fó sai”, nia konklui.

Notísia relevante: PCIC detein suspeitu na’in-10 ba kazu jogu ilísitu-burla informátika iha Oekusi

Jornalista       : Natalino Costa

Editora           : Rita Almeida