PSIK aprezenta ona detidu na’in-neen iha tribunál Oekusi ba primeiru interrogatóriu

JUSTISA, OEKUSI

PSIK akompaña hosi SNI, kinta dadeer ne’e, aprezenta ona detidu na’in-neen inklui feto ida ba Tribunál Primeira Instánsia Oekusi hodi kumpre prosesu julgamentu primeiru interrogaróriu, tanba suspeitada prátika jogu online ilegál rua, hanesan esplorasaun jogu ilisita kriminoza jogu online, nary mós burla informatika, rede scam telephone centre transnasionál, instala husi empreza internasionál Seagull Resort husi Malázia iha otél Oé-Upun RAEOA. Imajen TATOLI/Abílio Elo Nini

OEKUSI, 28 Agostu 2025 (TATOLI) – Polísia Sientífika Investigasaun Kriminál (PSIK), akompaña hosi Serbisu Nasionál Intelejénsia (SNI), kinta dadersan ne’e, aprezenta ona detidu na’in-neen inklui feto ida, maioria estranjeiru, ba Tribunál Primeira Instánsia Oekusi hodi kumpre prosesu julgamentu primeiru interrogatóriu, tanba suspeitada prátika jogu online ilegál rua, hanesan esplorasaun jogu ilisita kriminoza jogu online, nary mós burla informátika, redi scam telephone centre transnasionál, instala husi empreza internasionál Seagull Resort husi Malázia iha otél Oé-Upun Rejiaun Administrativa Espesiál Oé-kusi Ambeno (RAEOA).

 Notísia relevante:Advogadu konsidera buska nary apreensaun iha otél Oé-Upun laiha lejitimidade

 Observasaun jornalista Ajénsia Tatoli,I.P, detidu sira, to’o iha Tribunál Primeira Instánsia Oekusi tuku 08:30, akompaña husi advogadu privadu Octavio Cardoso.

Maibé hafoin to’o Tribunál Primeira Instánsia Oekusi, prosesu julgamentu seidauk hahú tanba sei hein tradutór lian mandarin, ne’ebé Juis sira mak delega husi Dili, atu sai tradutór iha prosesu julgamentu primeiru interrogaróriu.

“Ohin ita mai kumpre depoisde prazu loron tolu sidadaun sira hetan detensaun, ne’ebé akompaña rasik husi PSIK nary SNI, entaun ohin tama prazu loron tolu, entaun obrigatóriu tenki aprezenta ba iha tribunál,” Advogadu Privadu Octavio Cardoso, informa, iha tribunál Oekusi, dadeer ne’e. 

Nia informa, hafoin foti hotu deklarasaun, nary identifikasuan ba objetu sira-ne’ebé mak sai hanesan prova ida tuir parte Ministériu Públiku nian, depois promove mai iha tribunál, nary tribunál apresia katak, ihaa relasaun ba indise krime ne’ebé imputa ba sira kalae, ne’ebé ita sei haree nia prosesu iha duni prova kala’e.

 “Maibé hanesan horseik, ha’u rasik informa ona katak, kompañia ne’ebé mak loke jogu iha ne’ebá, iha espasu luan ho atividade sira iha laran nary movimentu traballadór na’in-200 resin inklui traballadór lokál tama sai, ha’u hanoin fatin ne’e la’ós taka ba públiku nary laiha koñesimentu ba públiku, maibé prontu, PSIK nary SNI hala’o sira-nia serbisu obrigasaun tuir lei, ne’ebé ida-ne’e mak sai hanesan prova, ho razaun referida ho razaun Ministériu Públiku nia konviksaun katak iha indisu krime, husi parte defeza haree katak iha buat balu presiza tetu,” nia dehan.

Notísia relevante:PSIK ho SNI monta ona liña polisiál ba eskritóriu rua iha otél Oé-Upun

Jornalista: Abílio Elo Nini

Editór: Rafael Ximenes de A. Belo