PSIK aprezenta ona objetu apreensaun ba Ministériu Públiku Oekusi

OEKUSI, 27 Agostu 2025 (TATOLI) – Polísia Sientífika Investigasaun Kriminál (PSIK),  hamutuk ho Serbisu Nasionál Intelejénsia (SNI), kuarta ne’e, aprezenta ona objetu buska apreensaun ba jogu online ilegál esplorasaun jogu ilisitu kriminoza jogu online, nary mós burla informatika, redi scam telephone sentre transnasionál, ne’ebé instala husi empreza internasionál Seagull Resort husi nasaun Malázia iha otél Oé-Upun Rejiaun Administrativa Espesiál Oé-kusi Ambeno (RAEOA) ba Ministériu Públiku.

Notísia relevante:PSIK ho SNI buska apreensaun nary desmantela jogu online ilegál iha Oekusi

Observasaun Jornalista Ajénsia Tatoli,I.P, observa, ekipa konjunta ne’e, to’o iha edifísiu Ministériu Públiku Oekusi, iha tuku 10:45, ne’ebé simu husi Xefe Prokuradór Primeira Instánsia Oekusi, Saturnino Sit.

Objetu buska apreensaun ne’ebé PSIK aprezenta iha tipu atividade rua mak hanesan, atividade esplorasaun jogu ilisitu nary kriminoza ne’e,  desktop unidade 87, laptop 13, telemovél iha 194, flash-diks tolu (3), pontu asesu (acces point) ka wifi 1, starlink router 2 nary mós simcard Telkomsel Indonézia nian 135.

Kona-ba objetu ba atividade burla informátika, desktop 58, laptop 4, mákina impresora 1, mákina sura osan ida (1) acces constituent rua (2 ) nary mós telemovél iha 44 inklui orsamentu balun.

“Ohin ita mai entrega sasán sira-ne’e ba Ministériu Públiku, hodi hein prosesu tuir mai ba mandadu kapturasaun,” informa, Investigadór husi PSIK, Dedi Álvaro da Silva, hafoin entrega iha Ministériu Oékusi, ohin.

Notísia relevante:Posibilidade, Empreza estranjeira sei loke jogu online durante tinan-50 iha Oekusi

Jornalista: Abílio Elo Nini

Editór: Rafael Ximenes de A. Belo