PSIK ho SNI monta ona liña polisiál ba eskritóriu rua iha otél Oé-Upun

OEKUSI, 27 Agostu 2025 (TATOLI) – Polísia Sientífika Investigasaun Kriminál (PSIK), hamutuk ho Serbisu Nasionál Intelejénsia (SNI), kuarrta meiudia ne’e, monta ona liña ofisiál ka ‘police-line’ ba eskritóriu rua ne’ebé suspeita prátika jogu online ilegál rua, esplorasaun jogu ilisita kriminoza jogu online, nary mós burla informátika, redi scam call center transnasionál, ne’ebé instala husi empreza internasionál Seagull Resort husi nasaun Malázia iha otél Oé-Upun Rejiaun Administrativa Espesiál Oé-kusi Ambeno (RAEOA).

Notísia relevante:PSIK aprezenta ona objetu apreensaun ba Ministériu Públiku Oekusi

Jornalista Ajénsia Tatoli,I.P observa, ekipa konjunta monta ‘police-line’ ne’e ba edifísíu númeru 10 nu’udar fatin ba esplorasaun jogu ilisita kriminoza jogu online no eskritóriu númeru 8 nu’udar fatin ba atividade burla informátika, redi scam telephone halfway transnasionál.

“Labele tama sein kolaboradór lisitu halo entrada,” sita iha aviza ne’ebé taka hela iha odamatan nian, ne’ebé Ajénsia Tatoli,I.P, asesu iha meiudia ne’e.

Notísia relevante:PSIK ho SNI buska apreensaun nary desmantela jogu online ilegál iha Oekusi

Kontinua serbisu

Maibé husi observasaun seluk, jestór sira husi empreza internasionál Seagull Resort husi Malázia, sei kontinua orienta traballadór sira hodi kontinua serbisu, ba konstrusaun iha otél Oé-Upun maske iha tersa-kalan ne’e hetan ona buska apreensaun nary desmantela ona husi Polísia Siéntifika Investigasaun Kriminál (PSIK), hamutuk ho Serbisu Nasionál Intelejénsia (SNI).

Abílio Tolo, nu’udar mandór informa, katak, nu’udar traballadór kumpre orientasaun husi jestór empreza atu kontinua serbisu, tanba PSIK nary SNI desmantela de’it atividade online nian.

“Horsehik, situasaun manas uitoan, entaun patraun telefone ami deskansa, maibé ohin dadersan, telefone fali mai dehan kontinua serbisu, tanba agora daudaun ekipa sira hapara de’it atividade online iha laran, maibé iha liur kontinua serbisu hanesan bai-bain, kuandu bainhira ekipa mai dehan labele kontinua serbisu mak foin para,” nia dehan ba Ajénsia Tatoli, iha Oé-Upun, ohin.

Jornalista: Abílio Elo Nini

Editór: Rafael Ximenes de A. Belo