Sekretáriu Estadu Germano preokupa kompañia ne’ebé konstrui estrada diresaun Fatuhada 

DILI

Sekretáriu Estadu Asuntu Toponímia nary Organizasaun Urbana (SEATOU}, Germano Brites. Foto TATOLI/Antonio Daciparu

DILI,  26 Agostu 2025 (TATOLI)—Sekretáriu Estadu Asuntu Toponímia Organizasaun Urbana (SEATOU), Germano Santa Brites Dias, preokupa ho kompañia ne’ebé konstrui estrada diresaun Fatuhada, iha Embaixada Austrália nia oin, ne’ebé nahe alkatraun metin hela iha valeta hodi hamosu intupidu.

“Kompañia sira halo estrada nia valeta tau ai hodi tonka tripleks sira iha okos ne’e, depoiz sira chor tiha iha leten alkatraun nahe metin sira la hasai ai-riin sira tonka iha okos ne’e mak intupidu halo bee labele sirkula,” Germano dehan ba TATOLI,  iha Fatuhada, Tersa ne’e.

Nia dehan, sira agora buka tuir hela kompañia ne’ebé kaer projetu ne’e atu responsabiliza ba valeta ne’e, ka hasai alkatraun ne’ebé fakar iha valeta ko’ak ne’e.

“Ohin ha’u bolu sira husi Diresaun Ponte nary Estrada nian mai haree hodi bolu kompañia ne’e mai ke’e sai tiha alkatraun restu ne’ebé sira fakar ba valeta laran,” nia informa.

Tuir planu, Germano tenik, iha Setembru nia laran ekipa sei tun ba normaliza valeta footwear sira iha Dili laran liuliu parte Kolmera, Katedrál, Bairru-Pite nary mós Aitarak-Laran atu sirkulasaun bee la’o di’ak bá to’o tasi.

Notísia relevante: Ekipa konjunta SEATOU halo diálogu ho komunidade Taibesi kona-ba alargamentu estrada

Nia hatutan, sei normaliza mós iha Kaikoli parte Ministériu Saúde nian, SEFOPE ho Maskariñas nian, iha edifísiu Veteranu nian mosu mai Tribunal Rekursu nian.

“Kuaze tinan ida liu ona ita halo tiha maibé agora ita la bá. Nune’e, ita haka’as-aan hela mobiliza depoiz organiza materiál ne’ebé bele ajuda ita hasai fo’er sira iha valeta laran ne’e,” governante ne’e akresenta.

Nia apela ba komunidade ne’ebé hela iha valeta leten atu koopera hodi hasai tiha fo’er sira-ne’e para fasilita sirkulasaun bee bá tasi.

Jornalista : Osória Marques

Editora      : Julia Chatarina