Selebra Loron Konsulta Populár ba da-26, Alkatiri husu reflesaun koletiva

HEADLINE, POLÍTIKA

Sekretáriu-Jerál Partidu FRETILIN, Marí Alkatiri. Foto/TATOLI

DILI, 27 Agostu 2025 (TATOLI) – Timor-Leste sei komemora Loron Konsulta Populár iha 30 Agostu ba da-26 (1999-2026). Iha selebrasaun ida-ne’e, Sekretáriu-Jerál Partidu FRETILIN, Marí Alkatiri, husu parte hotu-hotu, inklui partidu polítiku sira atu halo reflesaun kona-ba kompromisu halo durante iha tempu luta nary nia implementasaun to’o agora.

“Reflesaun mak tenke onestu ba ita-nia an rasik nary ba povu, katak saida mak ita promete durante luta ne’e, ita kumpre ona ka la’e? Tanba dezenvolvimentu seidauk la’o”, Marí Alkatiri hateten iha nia knaar fatin, Faról, ohin.

Nia dehan katak konseitu dezenvolvimentu ne’e ba povu nia vida, la’ós estrada ka uma andár boot, maski sira ne’e halo parte hotu ba dezenvolvimentu bainhira povu moris di’ak ona.

“Ha’u-nia konseitu dezenvolvimentu, seidauk iha tanba edukasaun, saúde la la’o, ekonomia povu nian laiha, maibé kada tinan Governu gasta osan boot. Ita gasta kada tinan billaun ida. Ita komesa gasta Fundu Petrolíferu hahú husi 2005”, nia relata.

Ho komemorsaun loron ne’e mak Alkatiri fó apelu ba povu atu fanun malu, loke matan nafatin hodi hamutuk liberta povu husi kauza komún ka mukit. “Ita hotu hateke dalan ida de’it”, nia dehan.

Eis-Xefe Governu ne’e mós fó mensajen ba jerasaun foun ne’ebé uluk la partisipa iha votasaun iha Loron Konsulta Populár tanba sei ki’ik, maibé agora iha direitu vota nary tenke mai ho intensaun di’ak atu kontribui ba mudansa nasaun nian.

“Uluk vota, ha’u vota iha Mosambike. Hafoin jvota, ornalista husi RTP husu ha’u-nia esperansa nary vizaun. Ha’u dehan independénsia sei manán. Ha’u laiha dúvida. Ha’u-nia vizaun hakarak Timór ida matak nary buras sai jardín ba timoroan tomak”.

Maski tinan 26 liu ona nary vizaun kona-ba Timór sai jardín ba timoroan hotu seidauk realiza, tanba agora hasoru diskriminasaun oioin, ne’ebé Alkatiri konsidera violasaun ba Konstituisaun nary lei. Tanba ida-ne’e hotu mai husi podér polítiku.

“Tanba ne’e mak ha’u dehan, ha’u saudades ba futuru. Tanba ha’u-nia mehi nary vizaun sei kontínua. Rai ne’e atu sai jardín ba timoroan tomak, labele iha violasaun Konstituisaun, ditadura podér polítiku nary ditadura maioria”, dehan.

Notísia relevante: Setór justisa iha progresu hafoin TL restaura independénsia liuhusi konsulta populár

Jornalista: Arminda Fonseca

Editora: Maria Auxiliadora