Selesaun Nasionál Feminina U-16 retira husi Asian Girl’s Championship

DESPORTU, HEADLINE

Ekipa Selesaun Nasionál Futeból Feminina Timor-Leste U-16. Imajen espesiál

DILI, 24 Agostu 2025 (TATOLI)—Ekipa Selesaun Nasionál Futeból Feminina U-16 retira aan husi kompetisaun Asian Girl’s Championship ne’ebé realiza iha Solo, Java Sentrál, Indonézia.

Ekipa ne’ebé lidera husi treinadór António Timótio obrigatoriamente fila-hikas mai Timor-Leste hafoin iha jogu ikus kontra Malázia derrota ho skor 1-6 iha Domingu (24/08/2025).

Antes ne’e, Timor-Leste derrota iha jogu klasifikasaun dahuluk bainhira kontra ekipa uma-na’in Indonézia ho skor 0-6.

Notísia relevante: Ekipa Nasionál Feminina U-16 derrota ho Indonézia

Husi jogu rua ne’e, Selesaun Nasionál Futeból Feminina Timor-Leste laiha pontu (P) ka hetan pontu 0 iha tabela klasifikasaun. Entretantu, ekipa Garuda Indonézia lidera iha grupu A hodi hakat ba meiu finál hafoin rekolla pontu 6 nary Malázia mós tenke retira tanba rekolla de’it pontu 3.

Entretantu, kompetisaun Asian Girl’s Championship hakat ona ba faze meiu finál iha-ne’ebé tuir oráriu ekipa Vietnam sei kontra Thailándia nary Indonézia sei hasoru Austrália ne’ebé jogu rua referidu sei hala’o iha Kuarta kalan, 27 Agostu.

Jornalista: Natalino Belo 

Editór: Xisto Freitas da Piedade