Situasaun iha fronteira seguru

INTERNASIONÁL

Xefe suku Bobometo José Labi Caet. Imajen TATOLI/Abílio Elo Nini

OEKUSI, 25  Agostu 2025 (TATOLI) – Hafoin insidente entre komunidade rai rua – Timor-Leste ho Indonézia, iha área fronteirisa nasaun rua ne’e, situasaun normaliza fali tanba tuir autoridade lokál katak asegura ona husi Unidade Polísia Fronteira (UPF) no Tentara Nasional Indonesia (TNI).

Xefe Suku Bobometo, José Labi Caet, informa katak akontesimentu ne’e akontese iha fronteira Sa’apan no ita-nian mak Huaknutu, fronteira Faotbasin, iha aldeia Kiubiselo suku Bobometo sub-rejiaun Oésilo.

“Klaru akontese iha ha’u-nia suku, maibé ha’u lahatene nia kronolojia, tanba ne’e nível nasionál sira-nian serbisu, ohin mai sukat fronteira, agora ha’u mai iha fatin akontesimentu, hamutuk ho komunidade sira atu hakalma sira, tanba ne’e, Governu nia serbisu, husik fó oportunidade atu hadi’a fronteira ho loloos,”

Kona-ba nia observasaun iha fatin akontesimentu, tuir autoridade lokál ne’e katak daudaun ne’e, parte seguransa entre UPF ho TNI hakalma ona situasaun.

“Agora laiha ona, aman (seguru) ona. Komunidade sorin hahú sunu sira-nia to’os, ita-nia mós hanesan,” líder komunitáriu ne’e hato’o.

Entretantu, situasaun ne’ebé akontese iha fronteira entre Timor-Leste no Indonézia sai virál iha rede sosiál –Facebook, no hetan reasaun oioin husi komunidade nasaun rua.

Jornalista: Abílio Elo Nini

Editór: Rafael Ximenes de A. Belo