Tempu bailoro afeta ba rusa sira iha illa Jaku falta bee no ai-han

EKONOMIA, HEADLINE

Bibi Rusa hadau malu bee iha illa Jaco, kuarta (11/12/2019). Imajen/Jogerjo Guterres

DILI, 27 Agostu 2025 (TATOLI) – Tama ona ba tempu bailoro nary situasaun ida-ne’e afeta ba rusa sira iha illa Jaku, tanba sira komesa falta ba bee nary ai-han. Tanba ne’e, Administradór Postu Administrativu Tutuala, munisípiu Lautein, Carlito Pareira, husu apoiu ba Bombeiru Manatutu atu tula bee bá rusa sira.

“Ita koloka ona Guarda Floresta na’in-lima mak hodi tau matan ba rusa, tanba agora hahú tempu bailoro naruk. Rusa sira presiza bee nary du’ut. Jaku ne’e ita kuda ai-horis la moris, ita só lori du’ut husi rai-maran mak bá”, Carlos Pereira dehan ba Tatoli iha edifísiu Ministériu Agrikultura, Pekuária, Peska, nary Floresta, iha Komoro, ohin.

Nia dehan Governu mós tenke tau matan ba rusa sira ne’e tanba daudaun hahán ba balada sira ne’e susar.

Hatán ba kestaun ne’e, Sekretáriu Estadu ba Floresta, Fernandinho Vieira, hateten Diresaun Nasionál Konservasaun Ekoturizmu prevee iha tinan ne’e rihun $15 hodi fornese ai-han ba rusa sira iha illa Jaku.

“Osan ne’ebé ita prevee rihun $15 ne’e, tanba ai-han ka du’ut sira iha illa Jaku ne’e la sufisiente, tanba kada tinan populasaun rusa aumenta. Entaun, husi osan ne’e sosa du’ut, bee, inklui kombustivel hodi enxe ba bero hodi lori hahán nary bee”, nia esplika.

Governante ne’e salienta katak bee ne’ebé sosa ne’e sei enxe ba tanke lima ne’ebé eziste iha illa Jaku nary bak ki’ik sira, hodi rusa hemu. Aleinde ne’e, osan ne’e selu ema prepara du’ut ba rusa sira.

Nia dehan rusa sira la naran han du’ut iha Jaku, maibé han hali-tahan nary seluk tan. “Tuir dadus ne’ebé ita iha, populasaun rusa iha Jaku 400-resin”, nia relata.

Haree ba populasaun rusa ne’ebé aumenta nary falta hahán maka Sekretaria Estadu ba Floresta planeia atu iha 2026 halo Programa Konservasaun Sítiu hodi muda sai rusa balun bá tau iha Parke Nino Konis Santana Mehara-Tutuala.

“Ita sei halo konservasun sítiu iha Mehara iha fatin ektare 200 hodi muda sai rusa, maibé ida-ne’e planu ba 2026”, nia reitera.

Notísia relevante: Ministériu Agrikultura koloka guarda na’in-haat hodi tau-matan ba Rusa iha Jaco

Jornalista: Arminda Fonseca 

Editora: Maria Auxiliadora