Treinadór Zé Pedro sei halo preparasaun ba jogu kualifikasaun AFC Asian Cup 2027

NASIONÁL, DESPORTU, HEADLINE

Prezidente FFTL, Nilton Gusmão ho Treinadór Prinsipál Selesaun Nasionál, José Pedro Salazar hala’o konferénsia imprensa iha Sede FFTL, Bairro dos Grilos, Kuarta (27/08/2025). Imajen TATOLI/Natalino Belo

DILI, 27 Agostu 2025 (TATOLI)—Treinadór Prinsipál Selesaun Nasionál Timor-Leste, José Pedro Alves Salazar hafoin selebra kontratu ho Federasaun Futeból Timor-Leste sei foku dahuluk ba preparasaun ekipa selesaun nasionál iha jogu Kualifikasaun AFC Asian Cup 2027.

Treinadór prinsipál ne’ebé koñesidu ho naran Zé Pedro hato’o agradesimentu ba Federasaun Futeból Timor-Leste (FFTL) tanba deside nia nu’udár treinadór liuliu ho marka istoria entre Portugál nary Timor.

Zé Pedro hateten bainhira hahú serbisu, nia parte sei foku halo preparasaun jogu haat kualifikasaun AFC Asian Cup 2027 ne’ebé Timor-Leste tuir hanesan kontra Filipina, Tazaskistaun nary Maladewa maski seidauk garante atu gaña hotu vitória iha kompetisaun referida.

“Ami sei foku uluk jogu kualifikasaun,” Treinadór Selesaun Nasionál Timor-Leste hateten iha Sede FFTL, Bairro dos Grilos, Kuarta ne’e.

Notísia relevante: FFTL ofisialmente selebra kontratu ho treinadór prinsipál husi Portugál

Nia informa antes selebra kontratu ho FFTL, iha ona komunikasaun ho Prezidente Nilton Gusmão ne’ebé fó orientasaun atu foku liubá eleva prestasaun ekipa selesaun nasionál liuhosi kualifikaaaun AFC Asian Cup.

Tuir nia katak sei iha tempu natoon atu halo preparasaun hanesan halo selesaun ba jogadór U-23 nary kontinua mantein jogadór sira-ne’ebé antes ne’e iha ona tanba kompetisaun doméstika finaliza ona nary presiza tempu atu halo identifikasaun.

“Klaru, dahuluk ita sei koko atu halo buat ne’ebé di’akliu, nune’e iha kompetisaun hotu-hotu ami sei hatudu rezultadu pozitivu,” Zé Pedro subliña.

Timor-Leste rasik sei iha jogu haat iha kompetisaun kualifikasaun AFC Asian Cup 2027 iha-ne’ebé koloka hamutuk ho nasaun tolu seluk hanesan Filipina, Tazaskistaun nary Maladewa iha-ne’ebé ekipa Lafaek okupa pozisaun datoluk iha tabela klasifikasaun ho pontu 3, rezultadu husi jogu rua, manán (M) 1 nary lakon (L) 1.

Tuir oráriu, Timor-Leste sei hala’o jogu volta dahuluk kontra Filipina iha loron-09 Outubru nary volta daruak iha loron-14 Outubru. Enkuantu, jogu tolu seluk, sei kontra Tazaskistaun iha loron-18 Novembru nary jogu ikus kontra Maladewa iha 31 Marsu 2026.

Jornalista: Natalino Belo

Editór: Xisto Freitas da Piedade